Pengawa Bedara...

Tok meh maia aku ke nemuai ke menoa Kapit, lama gak udah enda kin, agi mit suba kepenudi nemuai kin alu sampai ke bujang tok baru nemuai kin baru...

Datai din amat rindu gak medak menua, agik liat endar gak menua nyin enggau utai asal kitai Iban, menua pan manah, sidak ke indu bebajik, ke lelaki maioh sesigat...hahaha...tang taja piak, Kapit sigi enda baka menua bukai, nyau kak semua ke nguan menua nyin kitai bansa Iban. Ti bejalai sebelah pasar sigi endang jaku kitai magang meh ke didinga nyentuk ke bala cina pan sama jaku Iban...nyak ya bulih neh...

Sigi utai ke berasai endar ngait ati leboh aku ke din, bedara. Ti di menua diri, enda gak kala medak bedara bakanyak, nyak meh terubah ke medak bedara bakanyak. Rindu endar gak medak, tang sayau gak maianyak nadai mai video cam laban ke segaut endar gak, datai meh ari JB, ngetu di runah kak semalm aja gak, ari siti nyau mupuk kin gak, dini ka ingat, tambah mega malam datai nyak ngabang gelau gak ngagai bala kaban...pedis amai gak isi laban. Ngarap ke dudi ari ila bisi awak kin baru meh, engka maioh gik gak utai ke ulih ditempa dalam blog tok ila ngambika bisi gak dikunsi enggau bala raban ditu. Ke diatu, kira ke tok dulu meh, mupuk dulu aku...gayu guru, gerai nyamai, lantang senang, nguan menua...hohaaaaaa.......

Ukir Bujang Machan...

Akai dai...udu pemedis maia ke nurai tok suba, asai ke ngai ngambis ke ya...tang bai ati kak amt bukir, pengerindu ke ukir bansa diri, pedis enda, tat ke aja meh...pengudah ke tembu diturai, 2 minggu nyak, tinduk sigi nadai meruan nyamai...kak pan enda, tak ningkap aja meh...taja udah nangka tok, tang alu gak belakang aku tok empai tembu endar gak. Suba bala ke ngukir tok empai cukup endar perengka, ukai baka studio gak, dawat pan agi dawat cina, nasib gak ke diatu udah bisi kaban ke bisi studio bisi mekal ke dawat, mesin pan ke manah gak, nyak meh ukir belakang tok bisi terang bisi enda...hehehe...ila nyeruri baru gak ngantik ke bisi awak, ngambi manah agik gak dipedak mata...

Harison Banyan Stanley

Tok meh terubah buah ati kami sebilik, anak bujang menyadi tuai aku, chapoh jak laban pemanchal ya, benung ya enda tau ilap mimit meh ya mesai tok suba, asal ilap, ambis sebelah baruh mangku ya ngerayap. Aki enggau inik ya pan nyau enda ulih jauh, ti kak kini-kini pan tusah gak laban ke enggai ninggal ke uchu benung mesai tok, ukai nama,...benung gidan nguan ya mesai tok...tang ke diatu semina tinggal pengigat ngagai kami sebilik laban apai seduai indai ya bela mai diri ketegal utai ke enggai nyadi, lalu ya pan nyau bai tudah indai...taja piak, ya semampai dikingat ke belama, ngarap ke ya meruan mujur, gerai belama taja udah jauh ari kami sebilik...

Wisbon Sawoh Stanley...

Nyak ya...pemaie ke lumor dua menyadiku ke tuai...ada bulan lapan tok tadi, ari bulan enda gak entu ingat laban ke enda sama enggau di menoa maia pengada anak bujang tok empai lama ti udah, tang ada urung pukul 6.30 pagi piak meh bak Rejang Specialist Sibu...Akai dai...gaga udu gak aki seduai inik ya nyambut urang baru tok tadi laban ti lama ruang bilik ke nadai anak mit, tambah mega bala kami diri menyadi nyau sama bela-bela benung ngangkat kediri magang munyi kok kitai...haha...nyak meh sunyi ruang bilik...tang taja piak, alu empai bidik bulih Kumang gak kami sebilik, kengka ke udah bala Keling magang gak, dini tudah inik enda lelak, nadai gak nganti ke bebela ila gak...Meri pengaga ati nuju menyadi aku ke tuai, Stanley Methew Dana seduai bini ya laban ti udah mujur nyambut pengada urang baru dalam ruang bilik seduai ke jadi melaki bini...

Sungai Kapit...

Pic dambi leboh maia ke nemuai ngejung kaban aku di Kapit din. Leboh ke din maia nyak, kami duai lalu limpang medak sungai tok, chukup meh pengelengau ati ke menoa diri empu pengudah medak sungai tok, tang kak pan enda, laban ti nitih ka periuk munyi kok kitai, tinggal ke piak meh menoa diri, ambis nyadi temawai...

Anak Iban Ulu Sungai...

Selamat datai sereta salam bekelala ngagai semua bala ke bisi mansa, anang meh malu, ngetu meh dulu bak langkau pemai blog Anak Iban Ulu Sungai.

Keterubah, patut gak asai ya aku madah kediri penatai diri ngambika bala sama nemu ti leboh ke ngetu, ni nemu, sebala kini kitai, petunggal kini kitai neh...

Nyadi asal aku tok jauh din, seradak menoa, ulu sungai kok kitai...Ulu Latong, Machan, Kanowit, sigi menoa pelilih pegai Sibu. Nyadi ke diatu nitih ke pemansang mai diri kili kitu sereta nempa pengidup belelang jauh di menoa urang...

Nuju bala ke bisi lalu, sama-sama meh kitai bekunsi ke penemu ti meruan sereta buah runding ke manah ngichak ke kitai sama mansang lalu nempa nama bansa kitai nuju tikas ke tinggi agi...

I made this video playlist at myflashfetish.com